Spiekster laid

Wel zal nait de lof bezingen, van ain dörp zo schoon as Spiek?
Want op ‘tHogeland gain aine. Is aan onze ploats geliek.
Van Veldzicht tot aan ‘d Hutten, van Ol Börcht tot mörgenster.
Overal toch lacht joe ’t tegen, van noabie en ook van ver. [bis]

Zai de kerk en toren stoatig, doar ais ien het midden stoan.
’n Mooie gracht omsingelt ’t woardig. Woar de eenden zwemmen goan.
Kiek de Meulen lustig draaien, dei zo hoog de wieken zwaait.
’t is gezellig bie de hoaven, ain en al bedrievighaid. [bis].

Aans ie ’t oog wat verder sloagen over land en veld en wei.
Is het glad om te behoagen; ’t golvend koren, ’t dartel vei,
Mooie ploatsen, prachtig aangelegd. Braide grachten doarom tou,
woarin stoatig zwoanen zwemmen, tot genot van boer en vrouw. [bis]

’t Allermooist is, t wel op kwelders, woar de zee zo lustig fluit.
Toerloos knabbeln er de waggels, Woar het wier en knapper gruit.
Nooit huid ie doar spoukig wezen, ’t is nait daip doar op het wad.
goa gerust moar vissen, zwemmen, pootje boaden ien het nat. [bis]

Aiwig mooi is ’t doar te wezen, veur wel holt van ainzoamhaid.
Goa doar kiek’n en schulpen lezen, haile allaain of mit joen maid.
Er is gain ain dei joe komt steuren, bie de diek of tussen ’t rait.
Vertel mekoar mor de gehaimen…..WANT DE VISSEN KLIKKEN NAIT. [bis].

tekst gedigitaliseerd door Kitty W.